Kur mblidhen bashkë, shqiptarët e djegin fare!
Një festë e madhe alla shqiptarçe është mbajtur dje mbrëma në një prej club-eve më të njohur të Milanos, “Just Cavalli”.
Shkaku për t’u mbledhur të gjithë shqiptarët është bërë vetë këngëtarja Rita Ora, e cila prej dy ditësh ndodhet në Milano të Italisë, ku mbajti koncertin e saj.
Pas performancës së saj, Rita Ora ka festuar më të tjerë shqiptarë të pranishëm në club, mes të cilëve velina seksi Kejvina Kthella dhe ish-banori i Big Brother, Klodiani.
Ka qenë ky i fundit që ka dokumentuar çdo gjë nga festa, madje edhe momentin kur Rita kërcente nën ritmet e muzikës shqip.
Në disa prej videove të publikuara në Instastory, Rita shfaqet duke kërcyer dhe kënduar këngën e Elvana Gjatës, “Love me”, si dhe hitin e Capital T “Kujtime”.Mes këngëve dëgjohet edhe ajo e Gjikos me Skerdin “Si Bugati”, duke e kthyer kështu atmosferën në club 100 për qind shqiptare.
Kjo vërtetoi edhe një herë atë që dinim: Rita Ora është krenare për origjinën e saj dhe këtë e tregon kudo që të jetë!
