Këtë të enjte në Pallatin e Kongreseve po mbahet nata e parë gjysmëfinale e edicionit 58 të “Festivalit të Këngës”. Në natën e parë kanë performuar dhjetë artistë, ndër të cilët këngëtarja shumë e dashur nga publiku, Elvana Gjata.
Këngëtarja ka konkurruar për herë të parë në këtë festival, me këngën e titulluar ‘Me tana’. E veshur me pantollona dhe xhaketë të bardhë, me një koreografi ritmike dhe të përshtatshme me këngën, Elvana ka elektrizuar skenën e festivalit.