Shqiptarët po përjetojnë orët e fundit ndjenja të forta të krenarisë kombëtare, pasi si rrallë në historinë e Eurovizionit në finalen e së shtunës në Lisbonë, kanë fituar të drejtën tre këngëtarë shqiptarë. Eugent Bushpepa përfaqëson Shqipërinë, Ermal Meta Italinë dhe Eleni Furera Qipron.
Ermal Meta i cili ka dalë fitues në festivalin e famshëm të Sanremos në Itali, vjen në një duet me këngëtarin e njohur italian Fabrizio Moro, me këngë “Non mi avete fatto niente” (Nuk më keni bërë asgjë). Sikurse thonë edhe në një intervistë për RTSH ajo trajton një tematikë mjaft të rëndësishme e aktuale siç është frika ndaj rrezikut terrorist. “Mesazhi ynë në Eurosong është i fuqishëm” shprehen artistët. /TVSH
