Në jetën prej të rriture, getat gjatë dimrit janë pjesë e pandashme e fustaneve/fundeve, por meqë i ftohti na detyron të mbulohemi, atëherë le ta bëjmë me stil.
Një palë geta të zeza dhe kaq?! Sigurisht që dukeni elegante dhe me kaq, por jo! Këtë vit ka ca mënyra shumë interesante për t’i bërë getat të duken dyfish chic.
1. Mos kini frikë t’i kombinoni me çorape
Bëjeni dhe shihni sesi të tjerët do t’ju ndjekin. Luani me gjatësinë dhe me kontrastin.
2. Vishini më shumë me çizme, jo me taka
Përveçse jeni më rehat dhe mund të shkoni ku të doni të veshura kështu, dukeni njësoj sensuale sa me taka dhe më tepër praktike akoma.
3. Nxirr rrobat e verës sërish
Fiks kështu nëse shpirti juaj rebel refuzon të pranojë thjeshtësinë e getave.
4. Geta të zeza, rroba edhe më të zeza
Provojeni këtë kombinim dhe do të ndjeni se zgjidhët dilemën më të madhe: “Çfarë të vesh kur të dal të shtunën në darkë?!”
Çfarë të mos vishni me geta?!
Sigurisht që xhinsin! Mos e bëni kurrë.
Burimi: Pop Sugar
