Një adoleshente myslimane është lidhur në një pemë dhe është rrahur brutalisht nga familjarët e saj si ndëshkim që ishte larguar nga shtëpia me të dashurin e saj.
18-vjeçarja e paemëruar ishte larguar nga shtëpia kundër vullnetit të familjarëve, për të vazhduar jetën me një djalë të ri që i përket një feje tjetër.
Por, pasi familjarët e gjetën vajzën, e lidhën në një pemë dhe e rrahën për pesë orë.
Mediat lokale raportojnë se 18-vjeçarja ishte larguar nga fshati me partnerin e saj i identifikuar si Rupesh Kumar.
Ata planifikonin të martoheshin, por pasi familjarët e saj i kishin gjetur, këshilli i fshatit vendosi që vajzën ta dënojnë për “çnderim” të komunitetit.
Në video shihet vajza e shtrirë në tokë e lidhur në një pemë pasi ishte rrahur nga familjarët në publik.
Ngjarja e tmerrshme që është filmuar me telefon nga dëshmitarët e shumtë ka ndodhur në një fshat të vogël në Nawada, në pjesën verilindore të Indisë.