Industria e modës vazhdon që çdo sezon të prezantojë stile dhe trende të reja, por ajo nuk do të ishte këtu ku është sot pa ndihmën e ikonave më me ndikim të modës. Ikonat e modës kanë qënë ndër vite inspirim për stilin, veshjet, ngjyrat dhe format. Stilistër dhe shtëpitë më të mëdhenj të modës gjatë gjithë kohës frymëzohen dhe kthejnë kokën pas tek ikonat e modës për të marr grimcat e duhura dhe për t’i bërë pjesë të koleksioneve të tyre të reja.
“Moda kalon, stili mbetet”, është kjo shprehja e famshme e Coco Chanel dhe me të drjetë qëndron ende sot. Le të njihemi me 7 ikonat e modës qe dhe stilet me të cilat ato ‘’na bekuan’’, që ne ende i ndjekim sot.
1.Audrey Hepburn
Disa mund t’a argumentojnë faktin se Audrey Hepburn është arsyeja për fiksimin e modës me veshjen e vogël të zezë. Look-u i saj klasik Holly Golightly nga “Breakfast at Tiffany’s” është një nga fotografitë më ikonike të “Hollywood-it të Vjetër”. Fustani thjeshtë Givenchy, gjerdani me vargje perlash, syzet e diellit të bardha e të mëdha, vëthët diamant dhe pipëza e gjatë e cigares do të njihen gjithmonë si look-u Audrey Hepburn!
2. Elizabeth Taylor
Ndjenja e modës së Elizabeth Taylor mund të përshkruhet vetëm si “e patrembur”. Ajo dha një aluzion të magjepsjes kudo që shkonte me jakat e saj të tërhequra për poshtë, peliçet dhe aksesorët që vendoste në kokë të cilët edhe sot do të konsideroheshin mbi të zakonshmen. Megjithatë, dashuria e Elizabeth Taylor për shkëlqimin vërehej gjithmonë. Impakti i saj në industrinë e modës është ende i dukshëm.
3. Grace Kelly
Stili klasik dhe i sofistikuar i Grace Kelly ishte gjithmonë pa asnjë cen. Veshjet e saj femërore ikonike dhe kompletet e saj artizanale e bënë atë një nga ikonat më me ndikim të kohës së saj. Në fakt, Hermes riemërtoi një nga çantat e veta “The Kelly Bag”, pasi aktorja ishte parë me një të tillë shpesh.
4.Jackie Kennedy
Jackie Kennedy kapi vëmendjen e publikut me stilin e saj shumë shik por në të njejtën kohë shumë të thjeshtë. Nga kostumet klasike të Chanel te kapelet e vogla Halston, ajo reformoi sensin e modës konservative dhe la pas një trashëgimi me shumë vlerë.
5.Katharine Hepburn
Katharine Hepburn ishte një ndër aktoret më të idealizuara të brezit të saj. Në ekran, Katharine kishte stilin e saj, i cili personifikonte look-un amerikan të kohës, ndërkohë që jashtë televizionit gardaroba e saj favorizonte veshjet sportive. Gjithsesi, kostumet që ajo vishte në ekran, janë ato që shndërruan look-un Hepburn në atë që është sot.
6.Madonna
Madonna është diva pop e modës së vjetër. Megjithëse në fillimet e saj në vitet 80’ kishte një stil djaloshar, shumë shpejtë ajo evoloi në një nga gurutë më influences në botën e modës. Në fakt, koncertet nuk do ishin aq magjepsëse po të mos ishte për zgjedhjet e Madonnës në skenë, të cilat ndryshuan mënyrën se si njerëzit i shohin artistët.
7.Marilyn Monroe
Marilyn Monroe prezantoi sex appeal-in në industrinë e modës. Nga bikinit me bel të lartë e deri te pamja e saj klasike në The Seven Year Itch, Marilyn shtroi rrugën e saj në Hollywood-in mbushur me trende luksoze dhe krijoi një trashëgimi e cila vazhdon të jetë prezente në mënyrë të vazhdueshme.
