Pas ndarjes së bujshme që u komentua gjatë në mediat rozë dhe rrjetet sociale me aktoren e humorit, Rudina Dembacaj, duket se tani ish-bashkëshorti i saj ka nisur një romancë të re dashurie.
Ka qenë vetë Aleksi ai që ka publikuar në “Instagram” një foto mjaft romantike ku shihet së bashku me një gocë e cila i dhuron puthje
Këtë postim, ai e ka shoqëruar me një emoji zemër, duke treguar se bëhet fjalë për një person të afërt që i ka vjedhur zemrën. Menjëherë kanë vërshuar komentet, ku urojnë çiftin e ri.
Nga ana tjetër, Rudina Dembacaj ka treguar përherë se ka një marrëdhënie shumë të mirë me ish-partnerin e saj, Aleksandrin. Fëmija që kanë në mes, Viktoria, ka qenë një nga arsyet kryesore pse ata të dy kanë ruajtur raportet e mira me njëri-tjetrin. Ata dalin bashkë të tre si familje për shëtitje apo për të shijuar momente të veçanta dhe nuk ngurrojnë që këto t’i ndajnë edhe me ndjekësit në Instagram.