Mbrëmë u transmetua pjesa e dytë e post “Big Brother VIP”, ku ish-banorët u vendosën edhe njëherë përballë njëri-tjetrit. Pasi u dha një klip nga debati i tyre, Arjola Demiri nuk i kurseu ironitë ndaj Antonela Berishës.
Madje as kjo e fundit nuk ia përtoi që të hidhte disa kunja në drejtim të aktores së njohur. Arjola i përmend ish-konkurrentes së “Për’puthen” Sanremo-n, duke i thënë se publiku nuk ka parë asgjë nga eventi.
Aktorja me këtë gjë i referohet më tepër lajmeve që dolën për ish-konkurrenten e “Për’puthen”.
Kjo e fundit u akuzua për mashtrim nga disa persona, pasi mendonin që lajmi se ajo do të jetë pjesë e festivalit të Sanremo-s nuk është i vërtetë.
Pjesë nga debati në studio:
Arjola: Urime për Sanremo-n. Shumë urime për Sanremo-n e dashur.
Antonela: Arritsh atje ku kam arritur unë. Faleminderit. Vazhdo se të humbi filli. Të ka mbetur veç Portokallia.
Arjola: Ti këtu fole në emër të publikut, publiku nuk i kishte parë këto gjëra. Je shumë rëndë Antonela, por nuk mund të ngrihesh me këto gjëra.
Antonela: Faleminderit Arjola. E shikon çfarë femre je ti që ofendon një femër tjetër.
Arjola: Nuk është e rëndësishme të jesh femër për ty. Loja ime dhe vetvetja ime më ka çuar afër finales. Ti gjithmonë ke një gjë që sa herë del përballë meje thua: ‘të shoh të acaruar, nuk të shoh mirë’. Është mënyra e të qenurit Arjola. Unë i kam të gjitha në rregull. Çdo gjë me mua shkon në perfeksion: karriera, ‘Big Brother’-i, opinioni publik. Të gjitha! Unë jam super në rregull, familjen e kam super në rregull.
