Moderatorja e njohur Jona Spahiu u bë nënë për herë të parë me ardhjen në jetë të vogëlushit Raiden në Shtator të vitit të kaluar. Që nga ai moment moderatorja u fokusua shumë te vogëlushi dhe herë-herë ndan foto me të në rrjetet sociale. Së fundmi përmes një postimi ka treguar se Raiden është bërë një mistrec i vërtetë.
Festat e fundvitit janë afër dhe Jona ka nisur që të zbukurojë shtëpinë, mirëpo vogëlushi e ka ndarë mendjen t’ia vështirësojë punën. Moderatores i është dashur ta rregullojë pemën plot 3 herë pasi Raiden e ka prishur.
“Brenda 3 ditësh, kjo pemë është prishur dhe është bërë 3 herë”- shkruan Jona krahas videos në të cilën shihet i biri duke hedhur zbukurimet e pemës përtokë.
