Stephen Baldwin ishte më shumë se i lumtur për t’i dhënë leje Justin Bieber të propozonte vajzën e tij. Një burim konfirmoi për “E! News” se 24-vjeçari kishte kërkuar bekimin e të atit të Hailey-t , disa javë përpara se të ulej në gjunjë për t’i propozuar të dashurës së tij.
“Stephen ishte shumë entuziast për t’i dhënë bekimin e tij Justin. Ai është shumë i lumtur” – tregoi burimi.
Ishte Stephen, ai që prezantoi për herë të parë vajzën e tij me këngëtarin e hitit “Sorry”, gjatë shfaqjes “Today Show”, kur ata ishin vetëm adoleshentë.
Ndërkohë, Justin dhe Hailey shfaqen shumë të dashuruar. Ata u fotografuan gjatë pushimeve romantike në Bahamas nga “E! news”, teksa udhëtonin me varkë.
