Që kur teknologjia dhe rrjetet sociale kanë marr një hov të paparë, fotot dhe videot janë kthyer në qendrën e vëmendjes për të gjithë.
Duhet ta pranojmë se të gjithë e kemi nga një shok a shoqe që ruan fotot a videot tona më të këqija dhe është gati të na kërcënojë çdo kohë me to.
Në këtë grup duket se bën pjesë edhe Besnik Krapi, i cili sapo i ka lëshuar një goxha ‘kërcënim publik’ Jonidës.
Ai ka publikuar një foto të moderatores në Instagram dhe krahas saj shkruan “Jom ka mendoj me e postu vazhimin e këtij momenti. @jonidavokshi çka po thu ti?”.
“Hap gojën sa para do”,- ka shkruar Jonida me nota humor, duke u munduar ta korruptojë që të mos e postojë.
Teksa në këtë situatë komike ka ndërhyrë edhe Olta Gixhari, e cila i shkruan Besnikut “Besnik, po e pate me frikë na e kalo se e postojmë ne”.
Kurioziteti se me çfarë po e kërcënon Besniku Jonidën është shumë i madh, por mbetemi në pritje nëse do ketë ‘guximin’ ta postojë foton tjetër apo jo.
