Mesa duket familjarët e Meghan Markele nuk janë aspak të kënaqur nga sjellja e keqe e saj. Pasi ajo nuk i ftoi në dasmën mbretërore, vëllai i saj ka marrë guximin dhe ka treguar se Markele nuk është aspak ashtu siç duket.
Ai u shpreh për Daily Mirror, se fama e ka ndryshuar totalisht dhe se Meghan shtiret sikur është e mirë dhe e sjellshme, madje ai shtoi se menjëherë pasi ajo u bashkua me familjen mbretërore i ka ndërprerë kontaktet me familjen.
“Meg i pëlqen ta portretizojë veten si humanitare, një njeri dashamirës dhe bamirës, por ajo nuk është aspak e tillë me familjen e saj. Ajo po luan rolin më të bukur të jetës, është hipokrite. Ndoshta i vjen turp nga familja e saj. Kam lexuar se Meg do të jetë si Diana. Dianën e donte gjithë bota për shumë arsye. Kjo është ajo që Meg do, por nuk do të ndodhë. Ajo nuk është e vërtetë si Diana”, u shpreh i vëllai i Meghan, Thomas.
Ai u shpreh se po priste ftesën për në dasmë dhe se i kishte shkruar një letër të motrës, por nuk kishte marrë asnjë përgjigje mbrapsht.
