Klea Huta zbulon sekuenca nga emisioni më i ri, në shtator nis transmetimi… (VIDEO)

Përpara pak muajsh u tha se Klea Huta do të niste një projekt të ri televiziv në “Top-Channel”. Një emision i dedikuar shqiptarëve të famshëm që jetojnë dhe janë të njohur edhe jashtë shtetit. Duket se tashmë xhirimet kanë përfunduar dhe emisioni do të nisë transmetimin në shtator. Klea ka postuar në ‘Instagram’ disa pjesë të emisionit që do të publikohet në televizion. Moderatorja ka udhëtuar në disa vende të ndryshme të Amerikës si New York City, Los Angeles apo Miami për të takuar disa nga personazhet shqiptarë. Pjesë e emisionit do të jetë fotografi Fadil Bersiha, modelet shqiptare, Angela Martini, Afërdita Dreshaj dhe Emina Çunmulaj, valltari Tony Dovolani, si dhe aktori James Biberaj. Nëpërmjet këtij emisioni Klea do të pasqyrojë jetën dhe punën e VIPa-ve, ndaj të gjithë jemi kuriozë deri në transmetimin e plotë të tij.