Me postimin e fundit në rrjetet sociale, reperi i njohur, Noizy ka treguar se i është rikthyer një pasioni të vjetër të tij. Ai ka ndarë në ‘Instagram’ një video ku duket se është duke ushtruar një prej sporteve të preferuara, ‘box-in’, të cilin ka treguar se e ka praktikuar në ndeshjet e ndryshme në fillimet e tij në Londër.
“Kthim pas 10 vitesh”, ka shkruar Noizy në postimin e fundit. Nuk dihet nëse këngëtari ka vendosur t’i dedikohet sërish këtij sporti si më parë, apo thjesht do të stërvitet për pak kohë për shkak të pasionit të tij.
Kujtojmë se gjatë kësaj kohe Noizy ka sjellë një sërë projektesh të reja muzikore, që si çdo herë tjetër janë pritur mirë nga ndjekësit e tij.
