Një nga pyetjet më të shpeshta që i bëhet Arbana Osmanit është “Kur fillon Big Brother?” Ndonëse i ka ardhur në majë të hundës me këtë pyetje, Arbana çdoherë i kthen përgjigje fansave.
“O Zot, gjithë jetën, çdo ditë”, shkruan Arbana në një nga postimet e fundit në Instagram teksa u kthen përgjigje pyetjeve të shumta.
Kujtojmë që Arbana është një nga prezantueset ikonë të “Big Brother”, spektakël i cili dikur mbërthente para ekranit të gjithë shqiptarët.
Vetë Arbana është shprehur se do të donte një rikthim të spektaklit megjithatë deri tani asgjë nuk ka qenë konkrete ndonëse dy vite më parë u aludua për një “Big Brother VIP”.
