Ndarja e Stresit nga Keisi ka qenë një nga ndarjet më të komentuara të showbizit. Çifti u nda verën e vitit të kaluar, vetëm pak kohë pasi reperi doli nga qelia. Marrëdhënia e tyre gjatë kësaj kohe ka qenë e paqartë, por më në fund Stresi i ka thënë të gjitha sonte në “Klanifornia”.
Reperi pranoi se ai dhe Keisi janë ende të martuar, edhe pse po jetojnë të ndarë. Marina arriti t’i nxirrte Stresit edhe arsyen pse ata janë ndarë, gjë për të cilën reperi gjatë gjithë kësaj kohe kishte preferuar të mos shprehej.
“Janë këto gabimet dalja e tepërt në orët e vona, jo fikja e telefonit”, u përgjigj Stresi.
Marina e pyeti Stresin edhe për dasmën dhe reperi u shpreh se nëse do të vijë ajo ditë, Marinën do ta ftojë të parën.
