Vetëm pak kohë më parë qarkulluan thashethemet se martesa e Getoar Selimit me Marina Vjollcën po pësonte një krisje, për shkak se bashkëshorti i saj nuk e lejonte të ishte pjesë e televizionit. Këto lajme mesa duket ishin të pavërteta, pasi mbrëmjen e djeshme bukuroshja u rikthye në ekran.
‘Klanifornia’ ishte emisioni që riktheu sërish në ekran moderatoren e njohur. Të gjithë u kënaqën pafund me batuatat dhe humorin e hollë. Ndërkohë i ftuari special i mbrëmjes ishte Majku.
Majk njihet për miqësinë e ngushtë me Getoarin, pasi janë pjesë e labelit “BabaStars”. E pikërisht bashkëshorti i Marinës gjeti rastin të përgëzojë bukuroshen dhe Majkun për praninë e tyre së bashku.
Përmes një fotoje ku duken Marina dhe Majk, Getoari ka rrëfyer se ndjehet krenar. Mesa duket Geti nuk e ka aspak problem që moderatorja është rikthyer sërish, përkundrazi ai ndjehet krenar për gruan.
