Modelja e njohur, Aurela Hoxha, me siguri që po jeton periudhën më të bukur të jetës së saj. E kjo për shkak se para disa javësh, ajo është bërë nënë për herë të parë.
Edhe pse kishin nisur thashethemet se ajo ishte në pritje të ëmbël, Aurela vendosi që të mos reagonte fare. Por erdhi momenti kur ajo konfirmoi gjithçka, e madje postoi edhe pozat e para me djalin e saj.
Ajo postoi disa imazhe ku shfaqej së bashku me të birin, por duke u kujdesur që të mos i tregonte portretin. E kështu ka bërë edhe një ditë më parë, teksa ka postuar në “Instastory” ku tregon se janë me pushime.
Aurela Hoxha shfaqet me një palë bikini, teksa përkëdhel të voglin e saj, Alaron. Edhe kësaj radhe ajo nuk ia ka treguar fytyrën, duke ruajtur në maksimum privatësinë e të birit.
