Luiz Ejlli dhe Olta Gixhari do të jenë pjesë e filmit “Në kuadër të dashurisë” që do të transmetohet së shpejti në Top Channel. Filmi do të jetë komedi romantike ku nuk do të mungojnë të qeshurat, por as lotët. “Në kuadër të dashurisë” shfaq një histori dashurie në kohët moderne që ndërlidh jetët e dy njerëzve dhe të familjeve të tyre.
Së fundmi, në rrjet janë bërë virale disa foto nga xhirimet ku Olta dhe Luizi duken brenda një shtëpie me disa valixhe nëpër duar.
Kjo nuk është hera e parë që janë publikuar foto nga xhirimet, pasi disa ditë më parë fansat i kanë fotografuar aktorët duke xhiruar në natyrë.
