Moderatoret e njohura të ekranit shqiptar kanë ndarë një pjesë të rutinës së tyre të përditshme teksa qëndrojnë të vetizoluara në shtëpi. Secila prej tyre ka gjetur një formë argëtimi, duke ndarë me fansat video teksa gatuajnë, grimohen, lexojnë apo shohin televizor.
Megjithatë ajo çfarë ka rënë në sy nga të gjitha postimet kanë qenë rrobat e gjumit, me të cilat është shfaqur secila.
Luana Vjollca, Marina Vjollca, Kiara Tito, Eva Murati janë disa nga emrat të cilat kanë zgjedhur të “zhvishen” nga imazhi perfekt në ekran, duke publikuar pamje të ndryshme me pizhamat e gjumit.
Ky fakt ka rënë në sy edhe nga ndjekësit e tyre, të cilët kanë lënë një sërë komentesh në llogaritë e tyre individuale.
Me siguri pas disa kohësh, vajzave të ekranit shqiptar do u mungojë kjo periudhë kur me pizhamat dhe telefonin pranë mund të mbyllnin çdo punë të lënë në gjysmë.
