Balerini dhe koreografi i njohur, Albi Nako ishte së fundmi i ftuar në “Wake up” në Top Channel. Si rrallëherë, ai foli gjerë e gjatë për jetën private dhe atë profesionale.
Albi rrëfeu se prej 6 vitesh nuk është në profesion. Ai zbuloi se vuan nga një problem gjymtyrësh, i cili e pengon të kërcejë.
“Nuk jam në kërcim prej 6-7 vitesh, kam pasur një sindromë në këmbë e gjunjë që më është shfaqur dy herë, duke marrë gjithë mjekimet dhe farmacitë me rradhë gjërat përkeqësoheshin dhe u detyra me mjekime popullore u riktheva, por është një lloj problem gjymtyrësh, për mirëmbajtje, që unë nuk duhet të kërcej, madje as vrap nuk duhet të bëj dhe këto janë kostot e profesionit, quhet sëmundje e mosha të reja profesionale. Kjo më bëri të largohem nga skena, më plas shpirti ndonjëherë që të kërcej, e bëj por mund të kem kosto nga mbrapa”, tregoi Albi.
