Në rrjete sociale është folur shumë për jetën personale të Sarës ditët e fundit prandaj banorja ka vendosur të reagojë me disa postime ku akuzon mediat se e kanë shtrembëruar deklaratën e saj për nënën.
“O njerëz nuk më ka braktisur nëna. Nga i nxirrni këto? Thjesht është larguar në emigrim kur kam qenë 2 vjeçe. Ajo është kujdesur për mua financiarisht shumë e shumë vite. Kush është nga Kuçova e di shumë mirë që kur mami im dërgonte gjëra, duhej ndihma e lagjes për t’i ngritur qeset e valixhet. Kam një nënë pak të thuash të fortë dhe heroinë. Mjaft me këto keqkuptime skandaloze”, shkruan Sara.
Në një postim tjetër ajo shfaqet me nënën duke lexuar komentet.
Postimet e saj Sara i mbyll me një deklaratë ku shkruan se komentet dhe fyerjet nuk e kanë mposhtur dhe se po i qëndron pranë njerëzve të saj të dashur, edhe Bardhit.
