Kjo është Jayme Pierce, një nënë e gjashtë fëmijëve nga Arizona. Në Instagramin e saj ku poston çaste nga jeta me fëmijët, ajo ndau edhe këtë moment fill pas lindjes së fëmijës së gjashtë. Po, pas lindjes.
“Oh Zot i madh. Ky është trupi im pasi solla në jetë Brody. E lexuat mirë, pasi solla në jetë,” shkruan ajo. “Sa herë ndihem keq për trupin tim, shikoj këto foto dhe kujtohem sa e fortë që jam. Një nënë e fortë!”
Disa nëna kthehen në formën e mëparshme me lehtësi, disa jo, disa nuk kthehen kurrë ashtu si dukeshin para lindjes. Meghan Markle kishte bark të dukshëm ditën që i prezantoi botës Archie-n dhe aq shumë gra gjetën veten te ky detaj, sa mund të themi se barku i Meghan është po aq i famshëm sa bebushi!