Alketa Vejsiu ka rrëfyer në nisje të emisionit “Në Kurthin e Piter Pan”, një ndër momentet më të trishta të jetës së saj. Moderatorja tregoi se ka qenë shumë e gëzuar kur prindërit i kanë bërë dhuratë një palë atlete kineze. Ajo tregoi se pas larjes këto atlete u vendosën nga nëna dhe babai i saj në një sobë me dru për t’u tharë dhe gabimisht i harruan atje. Moderatorja rrëfen se atletet që ishin puna e një viti, u dogjën. Ajo tregoi se ky ka qenë një ndër momentet më të trishta të jetës së saj, por dha më pas një mesazh shumë domethënës për të gjithë.
“Unë kur kam qenë e vogël njëherë, ngaqë prindërit e mi nuk kishin mundësi edhe kishin mbledhur lekët dhe më blenë një palë atlete kineze inkeliti, të cilat i vesha ditën e parë shumë e lumtur dhe i futa në llucë dhe i bëra copë-copë. Mami dhe babi m’i lanë dhe m’i vendosën në sobë me dru atje që të thaheshin dhe i harruan atje. Atletet që ishin mbledhja e gjithë parave të një viti pune u dogjën dhe unë të nesërmen në mëngjes nuk kisha më atlete. E kujtoj këtë si një ndër momentet më të trishta të jetës time. Më pas kuptova që edhe të jesh një Luli i vockël që ta kesh të çarë atë çizmen dhe të mos kesh atlete, edhe këmbëzbathur kur do t’i bësh gjërat, mund t’i bësh dhe ta gëzosh jetën”, tregoi Alketa.
