Pak ditë më parë, Mozzik dhe Kida i habitën të gjithë me postimet që bënë në rrjetet e tyre sociale. Këngëtarja shfaqej me fustanin e bardhë të nusërisë, ndërkohë reperi me kostumin e dhëndrit.Megjithatë, duket se si shumë artistë të tjerë që po bëjnë strategji dhe ‘lojëra’ me publikun për të fituar më shumë vëmendje para se të publikojnë bashkëpunimet e tyre, ashtu vepruan dhe Mozzik me Kidën.
Por, si është në të vërtetë reperi, në një lidhje apo beqar? Këtë e ka zbuluar vetë ai nëpërmjet një postimi në “Instastory”, ku tregon se është një baba beqar dhe bashkëngjitur me të duket se ka thënë edhe arsyen.
“Baba beqar. Jam beqar, sepse askush nuk e beson që nuk jam në një lidhje”, shkruan Mozzik.
Ndërkohë kujtojmë se pas ndarjes përfundimtare me Loredanën, kjo e fundit shpesh është përfolur për romanca të reja, por duket se këtë herë çdo gjë është zyrtare. Me anë të disa fotove shumë romantike, ajo pranoi hapur lidhjen e saj më të re me futbollistin Karim Adeyemi të Borussia Dortmund
