Teksa të gjithë presim këngën pjesmarrëse të Arilenës në “Festivalin e RTSH”, këngëtarja na surprizoi me një bashkëpunim me Flori Mumajesin.
Para pak minutash ashtu siç ishte paralajmëruar, u publikua kënga “Doja”.
Një këngë e krijuar tre vite më parë nga Darko Dimitrov, dhe e shkruar nga Flori Mumajesi dhe Lindon Berisha vjen më së miri nën zërin e Arilenës dhe Florit.
Pas “Nallane 3”, dyshja u bë sërish bashkë për një këngë që ka në qëndër ndarjen e një çifti. Melodia, zërat dhe e gjithë kënga janë ato që të gjithë kanë nevojë në këto ditë të zymta e me shi, e sidomos për ata që po kalojnë një periudhë ndarjeje.
Ky bashkëpunim ishte shumë i kërkuar nga fansat e mesa duket Arilena dhe Flori goditën në shenjë. Kjo baladë emocionuese me siguri përmbushi pritshmëritë e të gjithëve.
Shijojeni!