Ashtu siç e kishte premtuar, Era Istrefi publikoi ditën e premte këngën e saj të re: ‘Origami’, në bashkëpunim me Maphorisa.
Një tekst në gjuhën shqipe dhe atë angleze i shoqëruar me muzikë me ritme që të mbeten në mendje, janë elementet e këngës së re që është pëlqyer goxha nga fansat dhe deri më tani ka marrë 504 mijë view-s në YouTube.
Pas publikimit të “Origami-t”, Era po bëhet gati për bashkëpunimin e rradhës dhe këtë e ka lajmëruar me anë të një postimi në Instastory.
Në foton e postuar Era shihet përkrah këngëtarit me famë botërore Claydee, foto kjo e shoqëruar me përshkrimin “Working with Claydeeoffical”, duke na lënë të kuptojmë se një bashkëpunim i ri do të vijë së shpejti.
Këtë bashkëpunim e ka konfirmuar edhe Claydee me një postim në Instastory ku shkruan “New music” dhe shfaqet nën shoqërinë e Erës.
Le të shpresojmë që Era të triumfojë sërish…
