Policia shpëton 11 fëmijë të kequshqyer - AlpeGossip
Policia shpëton 11 fëmijë të kequshqyer

Policia shpëton 11 fëmijë të kequshqyer

Policia amerikane në Nju Meksiko ka shpëtuar 11 fëmijë që mbaheshin të mbyllur dhe të kequshqyer në një kompleks të largët në shkretëtirë. Autoritetet amerikane thanë se fëmijët e shpëtuar janë të moshës nga 1 deri në 15 vjeç. Ata nuk kishin këpucë, ishin të veshur me rroba të grisura dhe “dukeshin si refugjatë të Luftës së Tretë Botërore”.

Në vendin ku mbaheshin të miturit, u gjetën 5 persona të rritur, nga të cilët dy burra të armatosur rëndë. Ata u arrestuan. Ndërsa tre gratë, që besohet të jenë nënat e fëmijëve, fillimisht u ndaluan por më vonë u lanë të lira. Policia kontrolloi vendin pasi kishte marrë një mesazh ku shkruhej: “Jemi të uritur, kemi nevojë për ushqime dhe ujë”.

Nuk është ende e qartë se si fëmijët kishin përfunduar në atë kompleks të largët. 11 fëmijët tashmë janë marrë nën kujdes nga shërbimet sociale lokale.