Marina Fara është padyshim një nga vajzat më të komentuara të showbizz-it shqiptar e cila është përherë në qendër të vëmendjes së mediave për shkak të jetës së saj private dhe fotove provokuese që poston në Instagram.
Një vit më parë ajo pushtoi portalet me lajmin se është fejuar me një biznesmen, mirëpo fejesa e tyre shumë shpejt mori fund duke vazhduar secili jetën e vet.Përpara disa javësh ajo publikoi disa foto që bënë xhiron e rrjetit, ku lajmëroi se tashmë nuk është më single, por e lidhur me një djalë, identiteti i të cilit ende nuk dihet.
Që nga ajo ditë ajo nuk fshihet më dhe del hapur për lidhjen e saj të re, duke treguar se është e dashuruar kokë e këmbë me djalin në fjalë.
Së fundmi Marina ka publikuar një foto në adresën e saj në Instagram ku shihet duke u puthur në një lokal me partnerin e ri. Në fytyrën e tij ajo ka vendosur një zemër duke e ruajtur të fshehtë identitetin e tij.
