Arbana Osmani dhe Eduart Grishaj u martuan të shtunën në Toskana, Itali. Çifti nuk zbuloi asnjë detaj nga dasma, madje u kishte kërkuar të ftuarve që të mos publikonin asgjë në rrjetet e tyre sociale.
E teksa asnjë nga të ftuarit nuk postoi foto nga ceremonia apo dasma, sigurisht nuk munguan postimet ku treguan se si ata ishin veshur.
Xhensila Myrtezai postoi dje disa fotografi ku shfaqej së bashku me të bijën, Ajka. E veshur me një fustan me lule, këngëtarja dukej e mahnitshme dhe e kombinuar me vajzën.
Por a jeni kuriozë të dini sa ka kushtuar fustani i saj?
Fustani në fjalë është i markës “Zimmerman” dhe çmimi fillestar i tij është 895 dollarë.
Kujtojmë se dy javë më parë, një fustan të tillë e kishte veshur Keisi Tola në dasmën e Klea Hutës dhe Elgit Dodës.