Dua Lipa është padyshim një ndër emrat më të njohur të muzikës dhe ndër shqiptaret që na ka bërë krenarë në mbarë botën. Sukseset e saj vijnë gjithmonë në rritje dhe ajo është kthyer në një ndër femrat më të ndjekura në rrjetin social Instagram.
Së fundmi, Dua ka publikuar në profilin e saj një foto krah reperit të njohur me origjinë shqiptare, Action Bronson, teksa ndodhet në studion e tij.
Kaq ka mjaftuar që fansat të gëzohen nga ky takim i dy shqiptarëve dhe të aludojnë se dyshja janë gati për bashkëpunim. Megjithatë, mbetet ende të konfirmohet nëse mes tyre do të ketë një bashkëpunim, apo është thjesht një vizitë e Duas në studiot e reperit.