STUDIMI I RI/ 1.47 milion hebrenj u vranë gjatë tre muajve më 1942 - AlpeGossip
STUDIMI I RI/ 1.47 milion hebrenj u vranë gjatë tre muajve më 1942

STUDIMI I RI/ 1.47 milion hebrenj u vranë gjatë tre muajve më 1942

Pothuajsë një e katërta e hebrenjëve gjatë Holokaustit u ekzekutuan brenda 100 ditëve, në vitin 1942, dhe kjo është përiudha me më se shumti vrasje në shekullin 20-të, thuhet në studimin më të ri izraelit.

Operacioni Rajnhard i Gjermanisë naziste ka qenë operacioni i masakrave masive që është ndërmarë prej marsit të vitit 1942 deri në nëntor të vitit 1943 dhe gjatë kësaj periudhe janë vrarë 1.7 milion hebrenjë polakë, në kampet e vdekjes në Treblink, Belzec dhe Sobibor, raporton rel.

Studimi i ri thotë se në këtë operacion të nazistëve vetëm gjatë tre muajve, prej muajit gusht deri në nëntor të 1942, janë vrarë 1.47 milion hebrenjë.

Profesor, Levi Ston, nga Universiteti i Telavivit, deklaroi se studimi u bazua në analizat e deportimit të trenave gjermanë, në tre kampet e vdekjes, sipas të dhënave të mbledhura nga historiani i Holokaustit, Jicak Arad, në vitin 1980.

Profesori Ston ka deklaruar se shkalla e vrasjeve gjatë Operacionit Rajnhard është llogaritur gabim në të kaluarën dhe se shumica e të dhënave për vrasjet nga ana e nazistëve ishin shkatërruar.

“Mesatarisht 15 mijë njerëz u vranë çdo ditë” gjatë fazës më intensive që filloi pasi, Adolf Hitler urdhëroi përshpejtimin e operacioneve. Të dhënat flasin se numri i vrasjeve ishte tre herë më i lartë sesa në vlerësimet e mëparshme.

Profesori izraelit vlerëson se intensiteti i vrasjeve u ulë gjatë nëntorit të vitit 1942 pasi “mbeten relativisht pak hebrenjë” në rajonet e kontrolluara nga nazistët.

Ston thotë se masakra që ndodhi brenda një periudhe të shkurtër kohore ia pamundësoi kombit hebrej të organizohet për rezistencë.

Studimi thotë se gjatë tre muajve janë vrarë më shumë njerëz sesa gjatë gjenocidit në Ruandë në vitin 1994 kur për 100 ditë u vranë 800.000 njerëz, trasmeton agjencia BETA.