Einxhel Shkira ishte brenda shtëpisë më të famshme në Shqipëri kur mori një lajm shumë të bukur. Ëndrra e saj për të ngritur një fondacion për të ndihmuar vajzat, të cilat nuk kanë mundësi të shkollohen dhe të jenë të pavarura, do të bëhet realitet.
Fondacioni “Dritan Hoxha” e ka surprizuar duke i dhënë mundësinë moderatores që nëpërmjet një emisioni televiziv të moderuar nga ajo, të ketë mundësinë të ndihmojnë vajzat për tu arsimuar.
Pas kësaj reagoi aktorja e humorit, Rudina Dembacaj, e cila tha se këtë nismë e ka marrë një vit e gjysmë më parë, pavarësisht se nuk ka transmetuar pamjet.
“U zgjova me ide ‘origjinale’ të talenteve të ekranit! Mirëmëngjes”, shkroi ajo, krahas një video të publikuar më 8 tetor. Këtë thumbim drejt Einxhelit e ka sqaruar mbrëmjen e sotme në emisionin “Goca dhe Gra”.
“Në mëngjes më dërguan që ka qenë ideja e Einxhel për të bërë shkollimin e vajzave. Unë e kam pasur si projekt dhe e kam. Nuk e kam shfaqur askund se vajzat që po ndihmoj e kanë problem të dalin me fytyrë. Vijon çdo ditë. Kam kontaktuar me bashkitë e komunat, fillova me zonën e veriut dhe kam menduar që me disa bursa t’i sistemoj.
Nuk kishte ndonjë përplasje po kur u shfaq në televizion, u komentua si një projekt i padëgjuar ndërsa unë e kisha shfaqur 1 vit e gjysmë më parë në “Instagram”. Nuk thashë është plagjiaturë. Është nismë shumë e bukur dhe kur është në televizion, është e mrekullueshme”, u shpreh Rudina Dembaca
