Kohët e fundit shumë personazhe të njohur të ekranit po ankohen për rrjetet e tyre sociale. ‘Hacker-at’ ju vjedhin profilet zyrtarë, që ata i përdorin për të qenë sa më pranë fansave, duke i shfrytëzuar për qëllimet e tyre, ose i mbyllin. I fundit është edhe këngëtari Shpat Kasapi. Nëpërmjet një postimi në ‘Instastory’ ai shprehet se i kanë vjedhur për herë të tretë profilet e tij në ‘Instagram’ dhe ‘Facebook’.
“Hera e tretë që më vidhni ‘Instagram-in’ dhe ‘Facebook-un’. Turp të keni për këtë që keni bërë”,- shkruan këngëtari.
Momentalisht, Shpat Kasapi është duke shijuar sukseset e këngës së tij të fundit që mban titullin “Pom mungon”.
