Për një kohë të shkurtër, reperi me orgjinë shqiptare, Gashi, është kthyer padyshim në një nga emrat më të mirë të muzikës duke rritur çdo ditë bazën e fansave dhe materialet muzikore të cilat në përgjithsi i krijon vetë.
Përpos muzikës, Gashi është edhe një ndër personazhet më frymëzues në Instagram ku shpesh tregon për vështirësitë që ka kaluar për të qenë këtu ku është sot, duke i dhënë të gjithëve mbështetjen për të mos u dorëzuar kurrë e për t’i bërë ëndrrat realitet.
Vitin e kaluar ai pati një super performancë në ‘Sunny Hill Festival’, i cili organizohet nga babai i Dua Lipës, Dukagjin Lipa dhe duket se energjia e mirë do të ndjehet edhe këtë vit pasi Gashi do të jetë sërish pjesëmarrës në festival.
Lajmin e ka ndarë Dua Lipa e cila shkruan se është shumë krenare që këngëtarët me origjinë shqiptare po bëjnë ‘namin’ në botë duke e quajtur ‘vëllai im shqiptar’ dhe Gashi është një prej tyre ndërkohë që ky i fundit e ka falenderuar për fjalët duke i shkruar “Thank you Queen (faleminderit Mbretëreshë!)”.