Telenovelat turke janë padyshim më të ndjekurat në Shqipëri prej kohësh dhe personazhet që marrin pjesë janë bërë tepër të dashur për publikun. Ndër këta personazhe veçojmë aktorin e njohur turk, Tolgahan Sayışman, i cili përveç roleve të shumta që janë pëlqyer nga publiku shqiptar, tashmë njihet edhe si bashkëshorti i aktores shqiptare Almeda Abazit.
Që me kthimin e Almedës në Shqipëri, pasi aktualisht bukuroshja po moderon programin “Dancing With the stars”, çifti i aktorëve ka ardhur në qendër të vëmendjes së të gjitha mediave. Kësaj here, e ftuara e radhës në ‘Xing me Ermalin’ do të jetë pikërisht aktorja Almeda Abazi.
Por një surprizë vjen për të gjithë ndjekesit. Bashkë me Almeden, edhe aktori më i preferuar i telenovelave turke, Tolgahani, do të bëhet pjesë e intervistës dhe lojrave në studio me Ermalin. Por, më tepër për pjesëmarrjen e Almedës dhe Tolgahanit në emisionin ‘Xing me Ermalin’ do të mësoni të shtunën në orën 21:00, në ‘Tv Klan’.
