Ai është shndërruar në një personazh të njohur për shkak të faqes së tij në rrjete sociale ku tregon foto të vipave që kanë kryer ose jo operacione plastike.
20-vjeçari Stiliano Kanani administratori i faqes “Vipat e Bllokut” ka qenë i ftuar në “Ditë e re” ku është shprehur sërish rreth faqes.
Por duket se në emision ka patur dhe një debat me moderatorin Hermes Nikaj, ose siç njihet ndryshe “Zogu i Tiranës”, i cili gjithashtu është bërë pjesë e kësaj faqeje, për operacionet plastike që ka bërë.
“Kush është ky? Hermes? Sa operacione paska bërë ky, nuk e njoha nga afër”,-u shpreh Stiliano. Hermesi e mori me sportivitet duke u shprehur se nuk kishte kryer kurrë operacione plastike. Por 20-vjeçari ka këmbëngulur duke thënë: “Po ti dukesh, çfarë asnjë. Ti nuk qesh dot nga operacioni që ke bërë në buzë”,-u shpreh Kanani, por “Zogu i Tiranës” ka vazhduar t’a mohojë bërjen e ndonjë operacioni plastik.
