Tashmë, për prezantuesen e njohur shqiptare, të bërit të lumtur është kthyer në një mision të përjavshëm. Në ekranin e Top Channel, formati “Dua të të bëj të lumtur” ka rezultuar deri më tash jo vetëm një sukses absolut për sa i përket shikueshmërisë dhe audiencës, por për vet mesazhet dhe të ftuarit special që bëhen pjesë e studios televizive, emisioni i mban shikuesit të ngërthyer pas ekranit prej ditës së parë të fillimit të tij.
Këtë vit, ndryshe nga puntatat e shkuara, një risi që është përfshirë në natyrën e programit, është fakti që personazhe të njohur publik i bashkohen nismës për të bërë të lumtur njerëz të zakonshëm, fansa, etj. Javën e kaluar ishte trupa e aktorëve të “Portokallisë”, bashkë me prezantuesit që ishin aty për të dhuruar nga afër emocione, për të shkëmbyer batuta e për të rrëfyer histori interesante për të gjithë.
Sot, vetëm para pak minutash ka qenë moderatorja Arbana Osmani, e cila përmes një fotoje në instagram ka zbuluar një prej të ftuarve VIP në puntatën e nesërme të “Dua të të bëj të lumtur”. Ai është reperi i njohur kosovar Ledri Vula, me të cilin siç duket Arbana ka edhe një miqësi të ngushtë, gjë të cilën e ka shprehur edhe në dixhiturën e fotos. “Miku im i vjetër erdhi të më vizitojë”, ka shkruar ajo.
Mezi po presim të shtunën për të mësuar më shumë rreth surprizave dhe personit që do të bëj të lumtur këngëtari Ledri Vula
