Nudo, me flokët që i mbulojnë pjesën e gjoksit, me vështrim indipendent dhe disi të egër, Zoe Kravitz pozon për revistën ‘Rolling Stone’ njësoj si nëna e saj 30 vite më parë Lisa Bonet.
Ngjashmëria është mbreslënëse, gati sa duket si i njëjti person, me nje diferencë që Lisa në 1988 nuk ishte tërësisht nudo. 29-vjeçarja, vajza e Lenny Kravitz e Lisa Bonet thotë se ka dashur ti bëjë një homazh nënës së saj duke rikrijuar setin fotografik ikonë të revistës për kohën.
“E kam dashur gjithmonë atë kopertinë. Sa herë mendoj “Rolling Stones”, në mendje më vjen vetëm ky imazh”, shprehet ajo.
Sipas traditës, revista i ka kërkuar aktores dhe modeles të përcaktojë fjalën hot ose sexy teksa ajo përgjigjet thuajse njësoj si nëna e saj: “Diçka vibruese, vetëbesim, komoditet me veten dhe antikonformiste”.
