Një javë më parë këngëtarja e njohur Enca dhe reperi Don Phenom publikuan bashkëpunimin e tyre të parë “Kujt po i han”, i cili u prit shumë mirë nga fansat dhe brenda pak ditësh ka mbledhur plotë 1.8 milion klikime në Youtube.
Mirëpo ky bashkëpunim nuk u prit aspak mirë nga ana Noizyt, i cili e ka ironizuar Encën dhe e ka krahasuar atë me një lopë. I menjëhershëm ishte reagimi i këngëtares e cila në një foto e krahasoi reperin me një majmun të mërzitur dhe më vonë në një video shfaqej duke nxjerr gishtin e mesit në një nga posterat e Noizyt.
Pjesë e këtij sherri u bënë edhe Oriola Marashi, këngëtari Stresi dhe së fundmi Unikatili, i cili ka habitur me postimin e tij të fundit. Në një foto , shihet se reperi ka thumbuar Noizyn duke shprehur publikisht mbështetjen për Encën dhe Don Phenom.
Ndonëse postimi u fshi menjëherë nga ana e Unikatilit, Enca ka arritur ta ruaj dhe e ka ripostuar në profilin e saj.