Albano Bogdo është një nga aktorët më të dashur për publikun që me rolet e batutat e tij ka bërë për të qeshur këdo. Gjithashtu me videot që poston në rrjete sociale është kthyer në një nga personazhet më të komentuar.
Mirëpo video e fundit e Albanos i ka habitur të gjithë pasi aktori njofton se do të heqë dorë përfundimisht nga aktrimi.
Ai shfaqet i prekur dhe shprehet se për arsye personale dhe shëndetësore e ka marrë këtë vendim.
“Nuk kam qejf t’i quaj njerëzit fansa, gjithmonë më është dukur një term koti. Kështu që të dashur miq, dashamirës dhe thjesht njerëz kurioz që më ndiqni dua t’iu njoftoj se për arsye personale dhe shëndetësore kam vendosur të heq dorë përfundimisht nga aktrimi, totalisht dhe në çdo lloj forme. Dua t’ju falënderoj për mbështetjen, fjalët e mira dhe të këqija. Dua të falënderoj këdo që ka punuar me mua pa përjashtim dhe ju dua fort të gjithëve. Këdo që kam lënduar pa dashje ju kërkoj ndjesë dhe i urojë një jetë të lumtur dhe plot bekime”, shprehet Albano.
