Olta Gixhari është padyshim një nga aktoret për të cilën komentohet shumë në media e rrjete sociale, jo vetëm për paraqitjen e saj gjithmonë në super formë, jo vetëm për aspektin profesional, por edhe për anën private të cilën ajo mundohet ta ruajë sa më shumë të tillë.
Megjithatë siç shkruan “Panorama plus” Olta Gixhari është në një lidhje të re dashurie të cilën po mundohet ta mbajë larg vëmendjes mediatike.
Thuhet se ai është një person i panjohur në publik dhe që tani është nxitur kurioziteti se kush është ky djalë që i ka rrëmbyer zemrën aktores.
Ndërkohë Olta me postimin e saj në Instagram ditën e Shën Valentinit la të kuptohej që është në një lidhje pasi shkruante: “Të dua”.
