Moderatori dhe aktori i njohur, Ermal Mamaqi, është padyshim një nga personazhet më të dashur për publikun shqiptar. Përveç të rriturve, Ermali ka dhe një numër të madh fansash të vegjël të cilët shkrihen së qeshuri me batutat e tij.
Së fundmi, nëpërmjet një videoje të publikuar në rrjetet sociale, Ermali ka zbuluar se si reagojnë dy fëmijët e këngëtares, Orgesa Zaimi, kur kjo e fundit u përmend emrin e moderatorit.
Në video shihet teksa djali dhe vajza e Orgesës janë duke studiuar, ndërkohë që në momentin kur këngëtarja u thërret emrin Ermal Mamaqi, reagimi i tyre është epik pasi nisin dhe qeshin me të madhe.
“Këto 2 zemrat janë të Orgesa Zaimi dhe kanë një reagim frymëzues kur i thotë mami emrin tim…Misioni im është të bëj njerëzit e lumtur”, ka shkruar Ermali pranë videos.
