Mbrëmjen e djeshme u mbajt ceremonia e çmimeve “Oscar 2019”. Edhe këtë vit triumfuan aktorët më të mirë por vëmendje të veçantë morën veshjet e yjeve në tapetin e kuq.
Këtë vit nuk mungoi as Bleona Qereti, prej vitesh ajo është pjesë e disa prej eventeve më të rëndësishme në Amerik. Ndryshe nga daljet e tjera që janë kthyer të bujshme për shkak të veshjes “skandaloze” këtë herë këngëtarja ka habitur ndjekësit për mirë.
Bleona u shfaq e veshur me një fustan transparent në ngjyrë gri, i mbuluar me gurë dhe i çarë në njërën anë. Bleona dukej e mahnitshme dhe e thjesht, prandaj mund të themi se ky fustan është një nga zgjedhjet më të bukura.
Fustani është dizenjuar dhe krijuar nga Valdrin Sahiti.Stilsti shqiptar duket se po shkëlqen edhe në eventet botërore pasi nuk ësht hera e parë që vip-at zgjedhin fustanet e tij.
Para disa kohësh edhe Bebe Rexha kishte zgjedhur në një koncert fustanin e stilistit shqipar.
