TË GITHË TË FIKSUAR PAS “KUJTIME”/ Ja çfarë mendon “Capital T” për këngën e tij (VIDEO)

Capital T është një nga reperët më të pëlqyer të publikut shqiptar dhe jo vetëm. Kënga e tij e fundit, ‘Kujtime’ ka marrë shumë klikime menjëherë pas publikimit dhe është kthyer në hit. Ndryshe nga projektet e tjera që të mërziten kur i dëgjon shpesh, duket se kjo këngë i jep reperit një ndjesi ndryshe. Ditën e sotme ai ka publikuar në ‘Instagram’ një pjesë të këngës dhe ka shkruar: “Zakonisht kur e punojmë një projekt, na duhet ta dëgjojmë me qindra herë gjatë punës dhe proçesit në studio, apo gjatë xhirimeve. Kur vjen koha e publikimit, na bëhen bajat, por ‘Kujtime’ është një ndër këngët që jo vetëm nuk më bëhet bajat, por sa vjen e po bëhet më mirë dhe po më pëlqen më shumë e më shumë”. Nuk e dimë nëse kjo gjë ndodh sepse reperi ka vërtetë kujtime në lidhje me këtë projekt, apo thjesht e ka shumë përzemër këtë këngë. Sigurisht, në postim nuk kanë munguar as komentet e fansave të tij.