Moderatori dhe producenti Ermal Mamaqi aktualisht po shijon suksesin e filmit “2 gisht mjaltë” i cili po bën namin në kinema duke thyer rekord historik me 67.000 bileta të shitura në një javë.
Madje ky super prodhim i “Mamaqi production” që vjen me në role kryesore Elvana Gjatën dhe Ermal Mamaqin ja kaloi edhe “Fast & Furious”.
Pas suksesit të madh të “2 gisht mjaltë”, Ermali ka dhënë sot lajmin që shumë fansa mezi e kanë pritur.
Me anë të një postimi në rrjete sociale, Ermali ka pyetur nëse do donit që të bëhej “Dy gisht mjaltë 2”. Komentet për një film të dytë me Ermalin dhe Elvanën kanë qenë të shumta këto ditë dhe producenti duket se do ja plotësojë dëshirën fansave.
