Data 22 prill është një ditë shumë e rëndësishme për të gjithë ato persona që janë të dashuruar mbas natyrës, njësoj si moderatorja e njohur shqiptare Bieta Sulo. Bieta e ka treguar shpesh herë nëpërmjet postimeve të saj në ‘Instagram’, se pëlqen të kujdeset për tokën dhe i kushton shumë rëndësi bimëve që gjenden në shtëpinë e saj, madje duket se dashurinë për natyrën ia ka ‘pasuar’ dhe pjesëtarëve të tjerë të familjes, djalit të saj, Kroit dhe bashkëshortit, Alban Dudushi. Në një foto të publikuar në ‘Instastory’, Bieta ka zbuluar se është duke kaluar disa çaste me Albanin, në ballkon, duke shijuar natyrën. “Besoj se i shkon shumë kjo foto ‘Ditës së Tokës’.. sa më shumë lule, aq më të qeshur mund të jemi”, ka shkruar moderatorja në një foto ku Albani shfaqet duke qeshur. “Shkrepur sot në mëngjes, për qejf të shpirtit”, ka vazhduar ajo, duke e shoqëruar këtë fjali me një zemër. Pavarësisht se janë shumë të zënë me karrierën e tyre, çifti gjithmonë ka treguar se e gjen kohën për të qëndruar pranë njëri-tjetrit.
