Gaz Paja dhe partnerja e tij Iren sot kanë ditën e dasmës dhe ceremonia e parë, ajo e celebrimit u mbajt në taracën e Bashkisë së Tiranës, ku dy të rinjtë i premtuan njëri-tjetrit para kryebashkiakut Erion Veliaj.
E pranishme në këtë ceremoni ka qenë edhe Ajola Xoxa, e cila është shfaqur në formë perfekte. E veshur me një ‘jumpsuit’ në ngjyrë blu me krahë të rënë, bukuroshja e ekranit mori vëmendjen e të gjithëve.
Kjo dalje publike e saj tërhoqi shumë vëmendje pasi është një nga të rrallat që ajo ka pasur pas ardhjes në jetë të djalit të saj dhe humbjes së babait. Pas periudhës së vështirë që kaloi, duket se më në fund, Ajola po e merr veten.
Përsa i përket Gazit dhe Ira, dasma e vërtetë ka nisur dhe pjesë e saj janë kolegë e miq të aktorit.
