dhe pse prej muajsh Loredana është komentuar gjatë në media pas skandalit të mashtrimit të parave me një çift zvicerian, kjo nuk e ka ndaluar aspak reperen të sjellë këngë e klipe të reja.
Këngët e saj janë bërë shumë të njohura në Shqipëri, por edhe në Gjermani dhe Zvicër ku po renditen në vendet e para të klasifikimit.
Para disa ditësh u përfol se reperja kishte hequr dorë nga avokatët e saj në Kosovë, por një gjë e tillë u mohua nga këta të fundit.
Si Loredana po ashtu dhe bashkëshorti i saj, reperi i njohur Mozzik janë shumë aktivë në rrjetet e tyre sociale ku ndajnë me të gjithe ne foto dhe video të ndryshme jo vetëm nga jeta e tyre profesionale por edhe nga ajo personale, duke ju rikujtuar se ata janë prindër të një vogëlusheje e cila quhet, Hana.
Së fundmi, çifti ka publikuar një video në llogaritë e tyre të Instagramit ku shihen së bashku më të bashkuar se kurrë teksa qëllonin me armë zjarri në natyrë, duke përvetësuar kështu edhe më shumë aftësitë e tyre të shënjestrës.
Nuk është hera e parë që i shohim këto skena për arsye se skena të ngjashme ata i kanë bërë edhe në këngën e tyre “Bonnie and Clyde”, i cili ishte një klip mjaft i përfolur dhe i pëlqyer nga publiku në mbarë botën.
