Kush ka fëmijë e di shumë mirë që ata shpeshherë kërkojnë të flenë në shtratin e prindërve. Mirëpo kjo sjell edhe pasoja si shkelma, grushta e goditje në gjumë. Kjo i ka ndodhur mbrëmë edhe producentit, aktorit e moderatorit Ermal Mamaqit. Ai ka postuar një foto me Joelin në Instagram dhe jep një paralajmërim për prindërit.
“Kur fle natën me kalamajt është sikur fle me VanDamin. Nuk ka rëndësi nëse ata flenë nga ana e gruas, ata përsëri do të të gjejnë ty në errësirë… Sot natën: 3 goditje me kokë, 4 shkelma në fyt dhe 2 grushta turive … 3 herë kam rreziku të më dali syri. Mbroni veten miq. Mos flini me fëmijët. Ata nuk dinë çbëjnë në gjumë. Ose bëjnë sikur janë në gjumë dhe na rrafin se ne i detyrojmë të hanë bukë dhe të bëjnë mësimet. Kujdesuni për veten. Mbroni partnerin nga fëmijët. Shpëtoni sa më shumë sy të mundeni. Ju përqafoj miq”, shkruan Ermali.
